Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Holosteum umbellatum

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Ouloustèio

Holosteum umbellatum

Caryophyllaceae

Nom en français : Holostée en ombelles.

Descripcioun :
Pichoto erbo, sènso pèu, grisasso à verdalo, emé de fueio óupousado de cop que i'a un pau longo, que se recounèis majamen à si brout de flour en oumbello. I'a tres estile e li petalo soun toujour denticulado. Es uno planto que vèn bèn dins la sablo, mai pas soulamen, e que flouris d'ouro à la fin de l'ivèr.

Usanço :
Counèissèn pas d'usanço particuliero pèr aquelo planto. Lou noum prouvençau es uno reviraduro dóu latin qu'avèn rèn trouba. Pensas à nous escriéure se lou couneissès.

Port : Erbo
Taio : 3 à 25 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Holosteum
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 8 à 12 mm
Flourido : Printems Ivèr

Sòu : Ca
Autour basso e auto : 100 à 1700 m
Aparado : Noun
Mars à jun

Liò : Sablo - Champ
Estànci : Mesoumediterran à Mountagnard
Couroulougi : Paleoutemperado
Ref. sc. : Holosteum umbellatum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Holosteum umbellatum

ges

Coumpara Lambrusco(-bastardo) emé uno autro planto

Coumpara Ouloustèio emé uno autro planto